'Lockdown Ode' vir my Reisgees

O' heilige onrus

Hoe sal ek ooit weer dieselfde kan wees

Nadat ek jou gevind het?

Jy vir wie ek my hele hart ontbloot het

Jy vir wie ek meer as net vriendskap gegee het

Ons streep is in die sand op Victoriabaai getrek

Ons menswees verkondig tussen die hange van Meiringspoort

Hierdie liefde is nie kwaadwillig, afgunstig of jaloers nie

Hierdie liefde is kompleks

Bedoelend

Onafskeibaar

Geneesbaar

Ek weet dat ons samekoms nie beskore is vir hierdie

Lewensnarratief nie,

Maar ek weet dat die sterre saans vir ons kyk

Ons beny

Want selfs wanneer ons geskei is,

Is ons Een

Dit sal my troosvervanger tydelik wees

Tot ons weer ontmoet